Xəbərlər

Ertv.Az xəbər verir ki, Azərbaycanın bu ölkədəki  səfirliyinin Azərbaycan İncəsənət və Mədəniyyət Mərkəzi ilə birgə təşkil etdiyi tədbirdə diaspor təmsilçiləri, kanadalı qonaqlar, o cümlədən Ontario əyaləti parlamentinin üzvü Cek Maklaren  iştirak edib.

 

Tədbiri açan Azərbaycan Kanadadakı müvəqqəti işlər vəkili Ramil Hüseynli bildirib ki, iki ölkə arasında əlaqələrinin genişləndirilməsi, ölkəmizin düzgün təbliği, diasporanın təşkilatlanması səfirliyin fəaliyyətinin prioritet istiqamətlərindəndir.

 

O, həmçinin düşmənlərimizin provokasiyalarına qarşı mübarizədə cəmiyyətlərin birlik nümayiş etdirməsinin, eyni məqsədə, eyni amala xidmət etməsinin həlledici amil olduğunu vurğulayıb.

 

Ontario əyaləti Parlamentinin üzvü Cek Maklaren qeyd edib ki, Sovet İttifaqı dağıldıqdan sonra Azərbaycanın müstəqilliyinin ilk illəri çətin və məşəqqətli olub. O zaman vətəndaş müharibəsi və müstəqilliyinin itirilməsi təhlükəsi ilə üzləşən Azərbaycan xalqı Heydər Əliyevi hakimiyyətə dəvət edib və 1993-cü il oktyabrın 3-də keçirilən səsvermə nəticəsində o, Azərbaycan Prezidenti seçilib. Bundan sonra Azərbaycan dinc və sabitlik və davamlı inkişaf yoluna qədəm qoyub.

 

Çıxışlardan sonra konsert proqramı başlayıb, burada Azərbaycan xalq mahnıları səsləndirilib, vətənpərvər şeirlər oxunub və milli rəqslər nümayiş etdirilib. Konsert proqramı çərçivəsində Azərbaycan İncəsənət və Mədəniyyət Mərkəzinin şagirdləri də çıxış ediblər.

 

Tədbirdə, həmçinin qonaqlara Azərbaycan yeməklərini və şirniyyatlarını dadmaq imkanı yaradılıb.