Xəbərlər

Belə ki, iyunun 12-də Azərbaycanda ilk Avropa Oyunları keçiriləcək.

 

Ertv.Az xəbər verir ki, bu barədə CNN-in  Avropa Oyunlarına həsr edilmiş məqaləsində deyilir.

 

Qeyd edilib ki, paytaxt Bakıya idman festivalında iştirak etmək üçün 6 min atlet gəlib.

 

Hər dörd ildən bir keçiriləcək Avropa Oyunlarının birincisinə Avropa Olimpiya Komitəsi Baş Assambleyasının 2012-ci ildə keçirdiyi səsverməyə görə, Azərbaycan ev sahibliyi edir.

 

Avropanın 50 ölkəsinin nümayəndələri Avropa Oyunlarının 12 iyunda açılış və 28 iyunda bağlanış mərasimlərinə qatılacaqlar.

 

Məqalədə oyunlar müddətində nümayiş olunacaq idman növlərindən də söz açılıb. Eyni zamanda vurğulanıb ki, medal qazanan idmançılar həm də Rio-2016 Olimpiya Oyunlarına vəsiqə əldə edəcəklər. Bakıda idmançlar 253 medal uğrunda yarışacaqlar.

 

Yazıda paytaxt Bakı haqqında da söz açılıb Qeyd edilib ki, 2.5 milyon əhali yaşayan və Xəzər dənizinin sahilində yerləşən Bakı, Cənubi Qafqazın ən böyük şəhəridir.

 

Burada bulvarlar, gözəl ofislər, qüllələr, ticarət mərkəzləri yerləşir. Qədim İçəri şəhər, qala divarları var.

 

O da vurğulanıb ki, növbəti Avropa Oyunları 2019-cu ildə Niderlandda keçirləcək.