Xəbərlər

Ertv.Az AZƏRTAC-a istinadən xəbər verir ki, sərbəst güləşçilər 8 çəki dərəcəsində mükafatlar uğrunda iyunun 17-18-də mübarizə aparacaqlar. Rusiyalılar 2014-cü ildə Daşkənddə keçirilən dünya çempionatında 5 qızıl və bir bürünc medal qazanıblar.

H.Maqomedov deyib: “Komandamızın Bakıda Avropa Oyunları ərəfəsində son təlim-məşq toplanışları Novoqorskda keçirilib. Bütün idmançılar ciddi hazırlaşırlar. İrəlicədən qərara alındığı kimi, Bakıda may ayında Kaspiysk şəhərində keçirilən Rusiya çempionatının bütün qalibləri çıxış edəcəklər. Üç-dörd qızıl medal qazansaq, bunu yaxşı nəticə saya bilərik”.

Avropa Oyunlarında çıxış etmək hüququnu Viktor Lebedev (57 kiloqramadək çəki dərəcəsi), Aleksandr Boqomoyev (61 kq), İlyas Bekbulatov (65 kq), Maqomedrasul Qazimaqomedov (70 kq), Aniuar Geduyev (74 kq), Abdulraşid Sadulayev (86 kq), Abdusalam Qadisov (97 kq) və Hacımurad Qatsalov (125 kq) qazanıblar.

H.Maqomedov deyib: “Rəqiblərimiz Azərbaycan güləşçiləri olacaq. Əminəm ki, onlar öz xalçasında ən yüksək nəticə göstərməyə çalışacaqlar. Ayrı-ayrı çəki dərəcələrində isə türkiyəli idmançılar daha təhlükəlidir”.