Xəbərlər

Ertv.Az xəbər verir ki, prezident Rəcəb Tayyib Ərdoğan iyunun 9-da istefa müraciətini Baş nazir Əhməd Davudoğludan qəbul edib.

Türkiyənin dövlət başçısı yeni hökumət formalaşana qədər Baş nazir səlahiyyətlərinin icrasını Əhməd Davudoğluya həvalə edib.

Qeyd edək ki, Türkiyədə keçirilən parlament seçkilərində bülletenlərin 100 faizinin sayılmasından sonra 10 faizlik minimum baryeri keçən 4 iri partiyanın səsləri aşağıdakı şəkildə bölünüb:

Ədalət və İnkişaf Partiyası (AKP) – 40,85%

Cümhuriyyət Xalq Partiyası (CHP) – 24,96%

Milliyyətçi Hərəkat Partiyası (MHP) – 16,30%

Xalqların Demokratiya Partiyası (HDP) – 13,10%.

Bu nəticələrə əsasən hazırda hakimiyyətdə olan AKP yeni parlamentdə 258, CHP 132, MHP və HDP isə hərəyə 80 millət vəkili yeri qazanıb. Kürd partiyası HDP 10 faizlik baryeri aşaraq 80 kreslo qazanmaqla tarixi uğur əldə edib.