Xəbərlər

Ertv.Az xəbər verir ki, bu barədə QSC-nin mətbuat xidmətinin rəhbəri Nəsimi Paşayevbildirib.

 

Onun sözlərinə görə, I Avropa Oyunlarına hazırlıq xüsusi plan üzrə həyata keçirilir və işlərin böyük əksəriyyəti artıq yekunlaşıb.

 

N. Paşayev qeyd edib ki, I Avropa Oyunları zamanı metrodan istifadə edəcək turistlərə xidmət etmək üçün könüllülər artıq seçilib:

 

“Könüllülərin hər biri sərbəst ingilis dilində danışır və bir neçə əcnəbi dil bilirlər. Onlar “Bakı Metropolitenin” loqosu olan xüsusi geyimlərdə şəhərimizin qonaqlarına metrodan istifadə etməkdə köməklik göstərəcək, həm də metro stansiyalarına yaxın idman obyektləri və Azərbaycanın tarixinə dair məlumatlar verəcəklər”.

 

O həmçinin məlumat verib ki, “Bakı Metropoliteni”nin dəvəti ilə “Transport for London” korporasiyasının mütəxəssisləri polis şöbəsinin əməkdaşları üçün təlimlər keçir:

 

“Bu təlimlərin birinci mərhələsi artıq yekunlaşıb, polislər hazırda metro stansiyalarında onlara verilən xüsusi tapşırıqları yerinə yetirirlər, digər Metropoliten əməkdaşları üçün isə təlimlər davam etdirilir”.