Xəbərlər

Ertv.Az “Anadolu Agentliyi”nə istinadən xəbər verir ki, Türkiyədə 54 milyon 543 min 686 səsvermə hüququ olan seçicidən 47 milyon 194 min 975 nəfər (86,6 faiz) səs verib.

 

Verilən səslərdən isə 45 milyon 867 min 654-ü etibarlı sayılıb.

 

Yekun nəticələrə görə, hakim Ədalət və İnkişaf Partiyası (AKP) səslərin 40,8 faizini toplayaraq qalib gəlib və parlamentdə 258 millət vəkili mandatını qazanıb. Lakin, 2011-ci il seçkiləri ilə müqayisədə 9 faiz səs itirən AKP hökuməti tək qurmaq səlahiyyətini itirib.

 

Cümhuriyyət Xalq Partiyası (CHP) 25 faiz səslə 132 mandat, Milliyyətçi Hərəkat Partiyası (MHP) 16,3 faiz səslə 81 mandat, kürd təmayüllü Xalqların Demokratik Partiyası (HDP) isə 13 faiz səslə 79 mandat qazanıb. Digər partiyalar isə 10 faizlik ölkə bariyerini keçə bilməyiblər.

 

2014-cü ildə qurulan HDP ilk dəfə Türkiyə Böyük Millət Məclisində (TBMM) təmsil olunmaq hüququ əldə edib.

 

Məlumat üçün bildirək ki, təkbaşına hökuməti qurmaq səlahiyyətini itirən AKP ya koalisiyaya getməli, ya da yeni seçki keçirilməsi haqqında qərar çıxarmalıdır.