Xəbərlər

Ertv.Az “Posta” qəzetinə istinadən xəbər verir ki, dünyanın ən qədim yaşayış məntəqələrindən olan Suriyadakı Palmira şəhərinin İŞİD-in əlinə keçməsi nadir keçəl ibis quşları üçün də təhlükə  yaradıb.

BBC-nin məlumatına görə, 2002-ci ildə Palmira şəhəri yaxınlığında görülən və Suriya hakimiyyəti tərəfindən mühafizəyə alınan 4 keçəl ibis quşu İŞİD-in şəhəri ələ keçirməsindən sonra sahibsiz qalıb.

İŞİD-ın Palmiranı işğal etməsindən sonra həmin quşların baxıcısı canını  terrorçulardan qurtarmaq üçün qaçıb. Bunun ardınca isə 4 quşdan 3-ü də saxlandıqları yerdən qaçıb və onların yeri hələ də müəyyən edilməyib.

Livandakı Təbiəti Mühafizə Dərnəyindən bildiriblər ki, qaçan keçəl ibislərdən biri “Zenobia” adlı dişidir. Maraqlıdır ki, ibislərin qışı Efiopiyada keçirmək üçün etdikləri köçdə dəstəyə “Zenobia”liderlik edib.

Hazırda “Zenobia” və digər keçəl ibislərin yerini bildirənə 1000 dollar məbləğində mükafat təsis olunub.