Xəbərlər

Ertv.Az xəbər verir ki, “Lufthansa” aviaşirkətinə məxsus təyyarə ilk dəfə 1995-ci il mayın 22-də Heydər Əliyev adına Bakı Beynəlxalq Hava Limanına eniş edib.

Şirkətdən verilən məlumata görə, “Lufthansa”  hazırda Bakıdan Frankfurta hər gün “Airbus А321” təyyarələri ilə uçuş həyata keçirir.

Bu reyslərin vaxtı elə seçilib ki, Bakıdan səhər saat 6:30-da havaya qalxan təyyarənin sərnişinləri öz uçuşlarını “Lufthansa” və “Lufthansa Group” aviaşirkətinin 103 ölkəyə 321 marşrut üzrə hərəkət edən kəsişmə reysləri ilə davam etdirə bilsinlər.

Təyyarələr fərdi elektron qurğulardan istifadə olunması üçün göyərtə sistemi ilə təchiz edilib.

Sərnişinləri o sistem vasitəsilə təqdim olunan WiFi-ın köməyi ilə öz noutbuklarında, planşet və mobil telefonlarında filmlərə baxa, musiqi dinləyə, hətta “WorldShop”  onlayn-mağazaya sifariş də verə bilirlər.