Xəbərlər

Ertv.Az xəbər verir ki, bu gün keçirilən mətbuat konfransında otelin satış üzrə baş meneceri Elmira Yaqubova otel açılan zaman standart nömrənin 115 manat (+18 % ƏDV)  olduğunu bildirib.

O qeyd edib ki, hazırda isə standart nömrənin  ƏDV-siz qiyməti səhər yeməyi daxil olmaqla 140 manat, lüks nömrələrin ƏDV-siz qiyməti isə 340 manatdır.

Otelin baş satış menecerinin sözlərinə görə, otelin qiymətləri müəyyənləşənə qədər bazar araşdırması aparılıb və həm xarici qonaqlar, həm də yerli sakinlər üçün ən uyğun qiymət müəyyənləşdirilib.

Bundan başqa, E. Yaqubova gələn ay keçiriləcək Birinci Avropa Oyunlarının açılış və bağlanış mərasimlərində (12 iyun-28 iyun) bütün nömrələrin, oyunlar keçirilən digər günlərdə isə əksər nömrələrin bronlaşdırıldığını qeyd edib.

Qeyd edək ki, “İntourist” “Abşeron Hotel Group”idarəçiliyində olan dörd oteldən biridir. 5 mərtəbəli otel 150 qonaq otağı və suitlərdən ibarətdir.