Xəbərlər

Ertv.Az Dövlət Gömrük Komitəsinə istinadən xəbər verir ki, bu ilin dörd ayında Azərbaycanın ticarət dövriyyəsi ötən ilin müvafiq dövründən 22 % az olub.

Hesabat dövründə həyata keçirilən ticarət dövriyyəsinin 4 mlrd. 270 mln. 288 min dollar ixracın, 3 mlrd. 403 mln. 099 min dolları isə idxalın payına düşüb. Beləliklə, ticarət dövriyyəsində 867 mln. 189 min dollar müsbət saldo yaranıb. Bu ilin yanvar-aprel aylarında ixrac 40 % azalıb, idxal isə 24 % artıb.

İlin dörd ayında 5025 çeşiddə mal idxal olunub, 1 180 çeşiddə isə ixrac edilib.

Bu dövrdə Azərbaycanın ixracının 2 mlrd. 647 mln. 721 min dolları Avropa İttifaqı ölkələrinin, 126 mln. 070 min dollar MDB ölkələrinin,  1 mlrd. 496 mln. 496 min dolları isə digər ölkələrin payına düşüb. Avropa İttifaqı ölkələrinin idxalda payı 911 mln. 045 min dollar, MDB ölkələrinin 732 mln. 083 min dollar, digər ölkələrin isə 1 mlrd.759 mln. 971 min dollar təşkil edib.