Xəbərlər

Ertv.Az xarici KİV-ə istinadən xəbər verir ki, bu barədə Tanzaniya hökumətinin sözçüsü bildirib.

 

Nkurunziza Burundidəki böhranın həll yollarının müzakirəsi üçün Tanzaniyada keçirilən Şərqi Afrika Birliyi  zirvəsinə qatılıb, amma çevriliş xəbərlərinə görə ölkəsinə qayıtmaq qərarına gəlib.

 

Lakin hərbiçilər və sabiq baş qərargah rəhbəri Niyombare dövlət başçısının geri dönməsini əngəlləmək üçün ölkə sərhədlərini və Bujumbura hava limanını bağladıqlarını bəyan ediblər.

 

Niyombare prezidentin vəzifəsindən kənarlaşdırıldığını və hökumətin dağıldığını deyərək insanları hava limanına doğru hərəkət etməyə çağırıb.

 

Bunun ardından minlərlə insan sevinc içində küçələrə axışıblar, nümayişçilərlə təhlükəsizlik gücləri arasında qarşıdurmada zamanı ölənlərin olduğu bildirilir.

 

Burundi dövlət başçısı isə çevriliş cəhdinin uğursuz olduğunu bəyan edib.