Xəbərlər

Ertv.Az gazeta.ru-ya istinadən xəbər verir ki, Rusiyanın Primorsk diyarı qanunvericilik orqanının hakim “Vahid Rusiya” partiyasından olan deputatı Artuş Xaçatryan zorən hüquq-mühafizə orqanlarına aparılaraq dindirilib.

 

Bu barədə Rusiya İstintaq Komissiyasının rəsmi saytında yerləşdirilmiş məlumatda qeyd olunub:

 

“Onun məcburi qaydada istintaqa cəlb edilməsi şübhəli şəxsin müstəntiqin çağırışına bir neçə dəfə əhəmiyyət verməməsi və ölkə xaricinə çıxmağa cəhd göstərməsi ilə əlaqədar olub. Hazırda onun barəsində hansı tədbirin seçilməsi məsələsinə baxılır”.

 

Bununla belə, qeyd olunur ki, A.Xaçatryan barəsində seçiləcək tədbirdən asılı olmayaraq, o, öz müalicəsini ölkə xaricində də davam etdirə bilər.

 

Məlumata görə, erməni deputatın hüquq-mühafizə orqanlarının əməkdaşlarına qarşı zorakılığı ona 5 il müddətinə həbs cəzasına başa gələ bilər. Əgər bu hərəkət onların sağlamlığına təhlükə yaradarsa, o halda A.Xaçatryan 10 il müddətinə həbsxanaya göndərilə bilər.

 

Xatırladaq ki, 1 may yürüşü ilə əlaqədar yolun bağlanması erməni deputatın ürəyincə olmayıb.

 

O, sükanı arxasında oturduğu “Lexus” avtomobilini yolu bağlayan polislərin üzərinə sürməyə cəhd edib.

 

Avtomobilin qarşısında polisin dayanması da erməniyə işarə olmayıb və o, bir neçə dəfə cəhdi təkrar edib. Bununla parallel olaraq erməni deputat nalayiq sözlərlə polisləri təhqir edib.