Xəbərlər

Bu 15 il ərzində Azərbaycanın  adambaşına düşən gəliri 4 dəfə artıb.

 

Ertv.Az xəbər verir ki, bu barədə Bakıda keçirilən Asiya İnkişaf Bankının Rəhbərlər Şurasının 48-ci illik toplantısında bankın prezidenti Takehiko Nakao bildirib. 

 

O qeyd edib ki, 15 il ərzində Azərbaycanda yoxsulluq kəskin şəkildə azalıb.

 

“Bu da ölkənin davamlı inkişafa töhfəsidir”.

 

O, çıxışında Asiya İnkişaf Bankının son illərdəki nailiyyətindən danışaraq qeyd edib ki, bank 2014-cü ildə 14 milyard dollar həcmində kredit, qrant və sərmayə ayırıb. Bankın prezidentinin sözlərinə görə, 9 milyard dollar birgə maliyyləşmə ilə birlikdə ümumi maliyyə yardımı 2 3 milyard dollar təşkil edib.

 

O, bankın Azərbaycanda dəstək verdiyi layihələrdən də danışaraq qeyd edib ki,  Bakıda yaşıl avtobus sisteminin həyata keçirilməsinə yardım edilir.

 

“Meqaşəhərlər üçün bir çox maliyyə alətlərini nəzərdə tuturuq. Davamlı infrastrukturun maliyyələşdirilməsi AİB-in əməliyyatlarının əksəriyyətini təşkil edir. Biz istəyirik ki, AİB daha güclü hərəkət edən səmərəli fəaliyyət göstərsin. Biz maliyyə imkanlarımızın artırılmasına çalışırıq və regiona güclü dəstəyimizi davam etdirəcəyik”.