Xəbərlər

Ertv.Az-a səfirlikdən verilən məlumata görə, qrup 3 may tarixində, saat 15:00-də bulvarındakı konsert meydanında çıxış edəcək.

 

Nəfəs çalğı alətləri qrupu “German Welcome Band“ Şvarsvald dağı yaxınlığında olan Kalv şəhərindən gəlir. Musiqi qrupu Asiya İnkişaf Bankının Bakıda keçiriləcək illik toplantısında öz ənənəvi və müasir musiqiləri ilə Almaniyanın iştirakını daha da zənginləşdirmək üçün Bakıya səfər edir.

 

15 kişi və qadın musiqiçilərdən ibarət olan bu qrup, alman şəhərləri Pforshaym, Ştuttqart və Karlsruheni təmsil edirlər.

 

Bu qrup 1974-cü ildə yaradılıb və 2000-ci ildən Almaniya Federal Əməkdaşlıq və İnkişaf Nazirliyindən parlamentar dövlət katibi Hans-Yoahim Fuxtelin rəhbərliyi altında fəaliyyət göstərir. Bu qrup şəxsi təşəbbüslə Çin, Mavritaniya, Rumıniya, İrlandiya, Özbəkistan və bir çox başqa ölkədə çıxış edib.

 

Musiqi qrupunun şüarı: “Sözün bitdiyi yerdə musiqi başlayır və bununla da musiqiçilər harada olmaqlarından asılı olmayaraq möhtəşəm səfirlərdir“, deyərək Hans-Yoahim Fuxtel tanınmış alman yazıçısı Ernst Teodor Amadeus Hoffmanndan sitat gətiribdir.