Xəbərlər

O bildirib ki, hər iki ölkə müxtəlif sahələrdə əməkdaşlığı daha da gücləndirmək niyyətindədir:

 

"Bu təkcə iqtisadi sahəyə deyil, həmçinin mədəni, təhsil, idman və elm sahəsinə də aiddir. Ötən il və bu il ali səviyyəli görüşlər baş tutub. Niderland həmçinin Azərbaycanın qeyri-hökumət təşkilatları, şirkətləri və vətəndaşları ilə əlaqələr qurulmasına diqqət yetirir".

 

Diplomatın sözlərinə görə, ötən il iki ölkənin ticarət dövriyyəsi  180 milyon  avro təşkil edib. Niderland  Türkiyə və Böyük Britaniyadan sonra qeyri- neft sektoru sahəsində Azərbaycanda ən böyük sərmayəçidir. 

 

Səfir bildirib ki, gələcəkdə də işgüzar əlaqələri daha da intensivləşdirmək məqsədilə müasir qida istehsalı şirkətlərinin təsis edildiyi Greeport Venloda(Niderland) biznes mərkəzinin qurulması üçün təşəbbüslər göstərilib: " Bu mərkəz hər iki ölkədən olan şirkətlər üçün kontakt mərkəzi xidməti kimi fəaliyyət göstərir.  Niderland dünyanın ikinci qida ixracı edən ölkəsi olduğundan Azərbaycanla bu istiqamətdə əlaqələri inkişaf etdirməkdə maraqlıdır.

Kənd təsərrüfatı sahəsində fərdi sahibkar və eləcə də Niderlandda kənd təsərrüfatı sahəsində aparıcı ekspertlərdən olan Joris Baeke ölkənin  aparıcı sektor siyasəti ilə bağlı Bakıda  təqdimat edib. Biznes şəbəkəsi tədbirləri kifayət qədər marağa səbəb olub və iki ölkə arasında kənd təsərrüfatı sektorunda əməkdaşlığı inkişaf etdirmək üçün stimul oldu".