Xəbərlər

Ertv.Az xarici KİV-ə istinadən xəbər verir ki, polis tərəfindən saxlanılarkən aldığı xəsarətlər nəticəsində dünyasını dəyişən qaradərili Freddi Qreyin dəfnindən sonra polislə qarşıdurma yaranıb.

İki saata yaxın davam edən dəfn mərasimində minlərcə insan iştirak edib. Mərasimdə ötən il Nyu-Yorkda polislərin boğaraq öldürdükləri Erik Qarnerin qızı Erika Qarner də iştirak edib.

 Polislə yaranan qarşıdurma nəticəsində etirazçılar polisə daş, kərpic və şüşə atıblar. Polis isə gözyaşardıçı qazdan, rezin güllələrdən istifadə edib. Şəhərdə qarşıdurma axşam saatlarında daha da şiddətlənib.

Hadisələr zamanı ən az 27 adam saxlanılıb, polis və jurnalistlər də daxil olmaqla 15 nəfər yaralanıb.

Şəhər meri Stefani Ravlinqs Bleyk şəhərdə  komendant saatının tətbiq edildiyini bildirib. Belə ki, bir həftə ərzində saat 22.00-dən 05.00-ə kimi küçəyə çıxmaq qadağan edilib.