Xəbərlər

Bu barədə Ertv.Az Norveçin “The Local” saytına istinadən xəbər verir.

Məlumata görə, məcburi enişə səbəb Katmandu hava limanında eniş üçün boş yerin olmamasıdır.

“Biz Bakıda yanacaq doldurmaq üçün dayanmaq istəyirdik. Amma məlum oldu ki, uçuşa bu gün davam edə bilməyəcəyik. Katmandu hava limanı tamamilə doludur. Bu çox məyusedici haldır. Çünki hər ötən saatda dağıntılar altından sağ qalanları  xilasetmə ümidi daha da azalır”-, xilasetmə qrupunun nümayəndəsi Cim Olav Hansen Norveç qəzetinə bildirib.

Norsar adlı xilasetmə qrupu dünən səhər Oslonun Gardemoen hava limanından yola çıxıb və axşam Nepala eniş etməli imiş. Xilasetmə qrupu 6 xilasetmə itindən,  Oslo yanğın xidmətinin xilasetmə ekspertlərindən və Oslo Universitetinin Xəstəxanasından olan həkim və tibb bacılarından ibarət olub. Norveç qrupu Katmanduya eniş edə bilməyən yeganə beynəlxalq xilasetmə qrupu deyil. Məlumata görə, 15 beynəlxalq xilasetmə qrupu eniş etmək üçün növbə gözləyir.

Xatırladaq ki, Nepalda şənbə günü 7,8 bal gücündə zəlzələ baş verib. Zəlzələ nəticəsində indiyədək ölənlərin sayı 4000-i keçib.