Xəbərlər

Gənclər və İdman Nazirliyinin (GİN) mətbuat xidmətindən Ertv.Az-a verilən məlumata görə, bu gün Londonda Bakı 2015 Avropa Oyunlarının təqdimat mərasimi keçiriləcək.

 

Nazirlikdən bildirilib ki, bu məqsədlə gənclər və idman naziri Azad Rəhimovun Londona rəsmi səfəri başlayıb:

 

“Londonun məşhur “The Dorchester Hotel”ində baş tutacaq qala gecədə nazir Azad Rəhimov, Avropa Olimpiya Komitəsinin prezidenti Patrik Hikki, Britaniya Olimpiya Assosiasiyasının rəhbəri Lord Sebastian Coenin çıxışları nəzərdə tutulub. Təqdimat mərasimi çərçivəsində qonaqlara Bakı-2015 Avropa Oyunlarına hazırlıqla bağlı videoçarx nümayiş olunacaq”, - deyə GİN-dən məlumat verilib.

 

Eyni zamanda, qonaqlara konsert proqramı və Azərbaycan tarixini, mədəniyyətini və digər dəyərlərini özündə əks etdirən fotosərgi də təqdim olunacaq.