Xəbərlər

Ertv.Az xəbər verir ki, bu mövzuda geniş analitik material dərc edən Türkiyənin “Star” qəzeti məhəlli münaqişələrin ABŞ-ın öz maraqlarını daha rahat təmin etmək üçün lazım olduğunu yazıb.

 

Materialda qeyd olunur ki, müasir dünyada dövlətlər arasında mübarizədə yeni, amma artıq klassik vasitəyə çevrilən müharibə mütodları sınaqdan çıxarılmaqdadır.

 

Məsələn, NATO-nun Liviyaya müdaxiləsi çərçivəsində endirilən bomba zərbələri və ABŞ-ın rəhbərliyi ilə yaradılan koalisiya qüvvələrinin İŞİD-ə qarşı mübarizəsi.

 

Müəllifə görə, bu müharibələrin hansı nəsillər arasında getdiyini söyləmək çətin olsa da, həmin münaqişələrin bir sıra ümumi cəhətləri var:

 

“O müharibələrin hamısının içində hakimiyyəti ələ keçirməyə çalışan müxalifətçi qruplar var – onlar dövləti ələ keçirmək, yaxud da ölkə daxilində yalnız onlara tabe olan zonalar yaratmaq istəyirlər”.

 

Yazıda bildirilir ki, həmin münaqişələrin konkret mərhələsində ABŞ da bu prosesə qoşulur və gedişatı öz maraqlarına uyğun istiqamətə yönəltməyə cəhd göstərir.

 

Qeyd olunur ki, ABŞ uzun müddətdir düşmən münasibətdə olduğu İranla əlaqələri yaxşılaşdırmağa və bu ölkənin dünyaya inteqrasiyasına çalışdığı bir vaxtda alovlanan Yəmən böhranı Ağ Evin gerçək məqsədlərini də ortaya qoydu.

 

ABŞ eyni zamanda, Səudiyyə Ərəbistanı və İran körfəzi ölkələrini itirməməyin, o cümlədən, radikal qruplaşmalara qarşı mübarizə cəbhəsinin genişləndirilməsinin qayğısına qalaraq, Yəməndəki proseslərə nəzarəti əlinə aldı.

 

ABŞ Yəməndə elə bir vəziyyət yaradıb ki, həmin qarşıdurmadan nə Səudiyyə Ərəbistanının, nə də İranın nəinki mütləq qalib kimi çıxmaq, heç müəyyən fayda götürmək imkanı da yoxdur.