Xəbərlər

ARGTMŞ-dan Ertv.Az-a verilən məlumata görə, qurumun baş katibi Seymur Hüseynov Avropanın ən böyük gənclər platforması olan 

Avropa Gənclər Forumu üzvlərinin Belçikanın Brüssel şəhərində keçirilən növbəti məclisində iştirak edib.

 

Tədbir çərçivəsində keçirilən plenar iclaslar zamanı Seymur Hüseynov tərəfindən “Bakı 2015” 1-ci Avropa Oyunlarının təqdimatı keçirilib və iştirakçılara dizayn materialları və məlumat toplusu təqdim olunub. Seymur Hüseynov çıxışı zamanı qeyd edib ki, Avropa Oyunları gənclərin könüllü fəaliyyətinin, gənclərlə işin və gənclərin mobilliyinin təbliği üçün unikal vasitədir:

 

“Belə ki, birinci Avropa Oyunları çərçivəsində min nəfəri xarici ölkələrdən olmaqla 18 min gənc könüllü fəaliyyətə cəlb olunub. Mindən artıq gəncin məşğulluğu təmin olunub”.

 

Məlumat üçün qeyd edək ki, Avropa Gənclər Forumu Avropanın ən böyük platformasıdır. Təşkilat Avropa ölkələrinin Gənclər Milli Şuraları və beynəlxalq təşkilatlardan ibarət 99 təşkilatı birləşdirir və 10 milyona yaxın gənci əhatə edir, onların maraqlarını təmsil edir. ARGTMŞ 1997-ci ildən Avropa Gənclər Forumunun tamhüquqlu üzvüdür.