Xəbərlər

ABŞ-ın Merilend ştatının mərkəzi şəhəri olan Baltimorda bir həftə əvvəl həbs olunan zənci Freddi Qrey saxlanılan zaman aldığı xəsarətlərdən ölüb.

 

F.Qreyin ölüm xəbərinin yayılmasından sonra şəhərdə baş qaldıran etirazları səngitməyə çalışan yerli hakimiyyət orqanları faktla bağlı ciddi təhqiqat aparılacağını vəd ediblər.

 

Təcridxanada dünyasını dəyişən 25 yaşlı F.Qrey aprelin 12-də onu tutmağa çalışan dörd velosipedli polisdən qaçmağa çalışsa da, sonda yaxalanıb. Polislər onu tutaraq yerə yıxıblar və uzun müddət üzü üstə saxlayıblar.

 

Daha sonra polis bölməsinə gətirilən F.Qrey tibbi müayinədən keçirilib və onurğa sütununun qırıldığını müəyyənləşdirən həkimlər onu xəstəxanaya yerləşdiriblər.

 

Həkimlərin səylərinə baxmayaraq, komaya düşən F.Qrey kliniki ölüm keçirib və daha sonra dünyasnı dəyişib.

 

F.Qreyin ailəsinin vəkili bildirib ki, polislərin zərbələri nəticəsində onun boyun fəqərələri də sındırılıb.

 

Onun sözlərinə gərə, F.Qrey hər hansı bir cinayət törətməyib: “Adamın qaçması onun həbs edilməsi üçün əsas ola bilməz”.

 

Vəkil əlavə edib ki, polisin bu işi obyektiv araşdıracağına inanmır.