Xəbərlər

 Bbc-yə istinadən xəbər verir ki, polis zabiti Maykl Slecerə qarşı qətl ittihamı onun 50 yaşlı silahsız zənci Uolter Lamer Skotta atəş açmasını əks etdirən videogörüntülərin yayılmasından sonra irəli sürülüb.

M.Slecer müstəntiqlərin hadisə şahidinin mobil telefonla çəkdiyi həmin videomaterial ilə tanışlığından sonra həbs edilib.

Hakimiyyət nümayəndələri bildiriblər ki, U.L.Skott polisin ona qarşı tapança ilə elektroşok tətbiq etməsindən sonra güllələnib.

ABŞ Ədliyyə Nazirliyi bu hadisə ilə əlaqədar xüsusi təhqiqat aparmaq niyyətindədir.

Hadisənin baş verdiyi Şimali Çarlston şəhərinin meri Kit Sammey isə qatil polisə xitabən belə deyib:

“Əgər haqlı deyilsənsə, deməli, haqlı deyilsən”.

O da bildirilir ki, ABŞ-da polislər tərəfindən hər il yüzlərlə insan güllələnsə də, yalnız çox nadir hallarda onlara qarşı cinayət işi qaldırılır.