Xəbərlər

Yəmənin Səhiyyə Nazirliyinin Təcili Yardım Xidmətinin rəhbəri Əli Şəriə Yəmənin havadan bombardıman edilməsi nəticəsində 35 nəfərin həlak olduğunu, 88 nəfərin isə yaralandığını deyib.

 

O əlavə edib ki, Səudiyyə Ərəbistanının hərbi qırıcıları Sana, Səada və Hudayda şəhərlərində mülki insanların yaşayış evlərini bombalayıblar.

 

Buna etiraz olaraq paytaxt Səna və eləcə də digər şəhərlərdə yenidən kütləvi etiraz aksiyaları keçirilib.

 

Qeyd edək ki, “Kəskin Tufan” adlandırılan bu hərbi əməliyyatlarda Səudiyyə Ərəbistanı başda olmaqla Qətər, BƏƏ, Bəhreyn, Küveyt, Mərakeş, Sudan, İordaniya və Misir də iştirak edir.