Xəbərlər

Teatrın mətbuat xidmətindən Gün.Az-a verilən məlumata əsasən, tamaşaçıların hər zaman sevə-sevə izlədiyi “O olmasın, bu olsun”, “Ər və arvad”(Ü.Hacıbəyli), “Bankir adaxlı” (E.Sabitoğlu, T.Vəliyeva), “Qızıl toy” (O.Kazimi, R.Heydər), “www.ferzeli-kef.com” (E.Sabitoğlu, C.Məmmədov), “Kimdir müqəssir?” (Ə.Haqverdiyev), “Mən dəyərəm min cavana” (F.Sücəddinov, T.Vəliyeva), “Talelər qovuşanda” (R.Hacıyev, E.Ocaqov, F.Zöhrabov) və s. səhnə əsərləri mart ayının repertuarına daxil edilib.

 

Teatr rusdilli və balaca tamaşaçılarını da unutmayıb. Onlar üçün “Fransızsayağı qarnir”, “Düyməcik”, “Yatmış gözəl və cırtdanlar”, “Bir dayan, canavar”, “Yağış göbələyinin macərası”, “Qırmızıpapaq” və başqa tamaşalar nümayiş olunacaq. Tamaşaçılar nümayiş olunacaq səhnə əsərlərində öz sevimli aktyorlarının – xalq artistləri Afaq Bəşirqızı, İlham Namiq Kamal, Fatma Mahmudova, əməkdar artistlər Şövqi Hüseynov, Nahidə Orucova, Novruz Qartal, Çingiz Əhmədov, Ema Məlikova, aktyorlar Əzizağa Əzizov, Hüseyn Əlili, Emil Heydərov, Ülviyyə Əliyeva və başqalarının ifalarını bir daha izləyə biləcəklər.