Xəbərlər

Dramaturq Yevgeni Şvartsın Şarl Perronun məşhur nağılının motivləri əsasında yazdığı pyesin kino variantı xeyirxahlıq və pislik, dostluq, məhəbbət, sədaqət kimi əbədi dəyərlərdən, habelə möcüzələrə inamdan bəhs edir.

Hər dəfə müxtəlif kampaniyaları və tədbirləri ilə seçilən “28 Cinema” kinoteatrı bu dəfə də ənənəsindən geri qalmayıb.

Gün.Az xəbər verir ki, martın 5-də kinoteatrda dünya premyerasından bir gün öncə “Zoluşka” filminin nümayişi olacaq.

Daha sonra, yəni martın 6-da isə filmin böyük ekranlarda nümayişinə başlanılacaq.

Kennet Bran da bu filmi öz rejissor yozumunda təqdim edib. Onun yenidən ekran nəfəsi verdiyi “Zoluşka”da əsas rolu Lili Ceyms oynayır. Filmdə, həmçinin tamaşaçılara “Game of Thrones” serialından məlum olan Riçard Medden (şahzadə), qəzəbli ögey ana rolunda Keyt Blanşet və “Disney” studiyası ilə üçüncü birgə işi olan, tamaşaçıların sevimlisi Helena Bonem Karter (xaç-pərisi) iştirak edirlər.

“Zoluşka” – Şarl Perronun və “Qrimm” qardaşlarının redaksiyası ilə məşhur olmuş ənənəvi Qərbi Avropa nağılıdır, lakin müxtəlif təfsir və variasiyaları dünya xalqlarının folklorunda öz əksini tapıb. Bu əhvalat xaç-pərisinin köməyi ilə kral balına düşən, şahzadəyə vurulan, macəralar yaşayan və nəticədə ona ərə gedən kasıb, yetim qız haqqındadır. Nağıl dəfələrlə ekranlaşdırılmışdı, onun əsasında tamaşalar və müzikllər qoyulmuşdu.

Ən məşhur multiplikasiya variantlarından biri “Disney” kompaniyasına (1950) məxsusdur.