Xəbərlər

Özbəkistan Mərkəzi Seçki Komissiyası (MSK) namizədləri rəsmi olaraq qeydə alıb.

Onun sözlərinə görə, namizədlər Liberal-Demokratik Partiyasından hazırkı dövlət başçısı İslam Kərimov, “Milli Dirçəliş” Demokratik Partiyasından Akmal Saidovişt, Özbəkistan Xalq-Demokratik Partiyasından Xotamjon Ketmanov və “Ədalət” Sosial-Demokrat Partiyasından Narimon Umarovdur. Artıq prezidentliyə  namizədlər seçicilərlə görüşlərə başlayıblar. 

C.Əminovun sözlərinə görə, ölkədə 9058 seçki məntəqəsi yaradılıb. Azərbaycan da daxil olmaqla xarici ölkələrdə 44 seçki məntəqəsi fəaliyyət göstərəcək. Azərbaycanda yaşayan 360-dan çox özbək vətəndaşı, o cümlədən müvəqqəti olaraq həmin vaxt burada olanlar Bakıda səs verə biləcəklər.

Seçkiləri 300 nəfərdən çox xarici və yerli KİV nümayəndələri izləyəcək. Onun sözlərinə görə, xarici və yerli müşahidəçilər də prosesi müşahidə edəcəklər. Azərbaycan Milli Məclisinin üzvləri,  MSK nümayəndələrinin və ekspertlərin də seçkiləri izləməsi nəzərdə tutulub. 

Qeyd edək ki, Özbəkistanda son prezident seçkiləri 2007-ci ildə keçirilib və İslam Kərimov 7 il müddətinə prezident seçilib. Konstitusiyaya edilmiş dəyişikliklərə əsasən hazırda prezident 5 il müddətinə seçilir.