Xəbərlər

Turun açılış matçında "Sumqayıt" və AZAL üz-üzə gəlib. Sumqayıt şəhər stadionunda keçirilən görüşdə hesab açılmayıb.

Günün digər qarşılaşması paytaxtda keçirilib. "İnter Arena"da "İnter" "Bakı"nı qəbul edib. Oyun  meydan sahiblərinin böyükhesablı qələbəsi ilə yekunlaşıb – 4:0.

Lider "Qarabağ" öz meydanında "Simurq"u sınağa çəkib və minimal hesabla qalib gəlib - 1:0.

Turun maraq doğuran digər oyunu Qəbələdə baş tutub. Burada yerli "Qəbələ" "Neftçi" ilə münasibətlərinə aydınlıq gətirib. Qarşılaşma "Neftçi"nin 3:1 hesablı qələbəsi ilə başa çatıb. Bununla da "Qəbələ" ardıcıl üçüncü oyunda məğlub olub. Bundan əvvəl Roman Qriqorçukun komandası AZAL və "Simurq"a uduzmuşdu.