Xəbərlər

Q.Paşayeva  Rövşən Alıyev adına  Əyyublu kənd  orta  məktəbini ziyarət edib, müəllim və şagirdlərlə görüşüb.

 

Tovuzun və Azərbaycanın ən böyük kəndlərindən biri olan məktəbdə görüşdə Q.Paşayeva gənclərin savadlı yetişməsində fədakar müəllimlərin rolunu xüsusi vurğulayıb.

 

Məktəbin direktoru  Viktor Kərimov və  bir sıra müəllimlər çıxış edərək məktəbdə təhsilin vəziyyəti, qarşıda  duran hədəflər barədə məlumat verib və fikirlərini söyləyiblər. Müəllimlər məktəbin yeni binasının tikilməsi üçün Q.Paşayevanın hökumətə  və müvafiq orqanlara müraciətlərindən xəbərdar olduqlarını deyərək ona təşəkkür ediblər.

 

Q.Paşayeva məktəbin  yeni  binasının tikintisinə böyük ehtiyac olması ilə bağlı baş nazir Artur Rəsizadəyə  və  təhsil  nazirinə  müraciət etdiyini bildirib. Müəllimlərin fikir və təkliflərini dinləyən deputat  bu  ilin təhsil üzrə göstəricilərinin ötən illə müqayisədə daha da yaxşı olacağına inandığını deyib.

 

Deputat məktəbdə şagirdlərlə də görüşüb və onlarla söhbət  edib. Q.Paşayeva bildirib ki, hansı peşənin sahibi olmasından asılı olmayaraq hər bir gəncimiz eyni zamanda orta məktəb illərindən tariximizi, ədəbiyyatımızı da yaxşı öyrənmılidirlər.

 

O, hərbi dərslərə ciddi diqqət yetirmənin vacibliyi ilə də bağlı fikirlərini bölüşməklə yanaşı gənclər arasında zərərli vərdişlərlə mübarizənin gücləbndirilməsinin önəmindən də danışıb.

 

Görüşün sonunda  deputat müəllim və şagirdlərə  müəllifi olduğu kitabları imzalayaraq təqdim etməklə yanaşı, məktəbin kitabxanasına xeyli kitab hədiyyə edib.