Xəbərlər

Bu barədə Gün.Az-a Fransanın Azərbaycandakı səfiri Paskal Mönye bildirib.

Onun sözlərinə görə, biznes forumu “Biznes France” Avropa Azərbaycan Cəmiyyəti ilə (TEAS) birgə təşkil ediləcək.

Tədbirdə hər iki tərəfin iş adamları birgə əməkdaşlığı müzakirə edəcəklər.

Mayın sonu, iyunun əvvəlində isə Bakıda Fransa-Türkiyə biznes forumunun təşkili nəzərdə tutulub. Diplomat bu tədbirin Bakıda keçirilməsini belə şərh edib:

“Azərbaycanla Fransa arasında ticarət mübadiləsi inkişaf etməkdədir. Lakin Azərbaycan Fransaya 1, 5 milyard avro mal ixrac edir, idxal 400-500 milyon avro təşkil edir. Əvvəl bu göstərici daha az idi. Nəqliyyat, metro hər il olan layihələr deyil.

Azərbaycanda 2600 türk şirkəti qeydə alınıb, 700-ə yaxın fransız şirkəti isə Türkiyədə fəaliyyət göstərir.

Azərbaycanın prioritet sahələrində artıq türklərlə işləməyə öyrəşmiş fransızlar onların vasitəsilə Azərbaycana gələ bilər və malları daha yaxşı qiymətlərlə əldə edə bilərlər. Fransa və Türkiyə hökumətləri isə üçüncü tərəflə işləyən layihələrə dəstək verirlər”.