Xəbərlər

Buna səbəb isə serialda Mehriban adlı azərbaycanlı qadın obrazının ermənilərin Qarabağda törətdikləri vəhşilikləri danışması olub.

Hətta orada fəaliyyət göstərən yerli erməni icması serialın yayımının gülünc səbəblərlə dayandırılması ilə bağlı imzatoplama kampaniyasına başlamışdı. İcmanın mətbuat mərkəzi bu barədə bəyanat da yaymışdı. Bəyanatda deyilirdi ki, bu serialın populyarlığından həyasızca istifadə edərək 100-cü ildönümünü qeyd etməyə hazırlandığımız “soyqırımı”nın təsirini neytrallaşdırmağa çalışırlar. XX əsrin ilk “soyqırımı”ndan məsul olan Türk dövləti inkarçı siyasətini davam etdirir”.

“Canal-13” məsələ ilə bağlı serialda Mehriban rolunu canlandıran Məlahət Abbasovanın münasibətini öyrənib. Aktrisa bu haqda özünün “Facebook” profilində yazıb:

“Serialda oynadığım Mehribanın faciəvi həyatı, onun bütün ailə üzvlərini Qarabağ müharibəsində itirməsi, torpaqlarımızın işğalçılar tərəfindən ələ keçirilməsi, ulu öndərimiz Heydər Əliyevin serialın bir bölümündə Qarabağla bağlı söylədikləri Argentinada yaşayan erməniləri o qədər narahat edib ki... “Binbir gece” serialının və bundan sonra da Argentinada nümayiş olunan digər türk serialının yayından qaldırılmasına qarşı etiraz aksiyası keçiriblər. Okeanın o tayındakı ölkələrdə Qarabağ faciəsini anladan Mehriban rolunun nə qədər mühüm olduğunu bir daha dərk etdim. 

Müsahibədə mənə “Mehriban niyə bu qədər duyğusaldır?”, - deyə soruşdular. Cavab verdim ki, çünki Mehriban qarabağlıdır. Mən də qarabağlıyam. Mehriban bütün ailə üzvlərini Qarabağ müharibəsində itirib. Mənim anamgilin də yaşadıqları torpaqlar ermənilər tərəfindən işğal edilib. Bibim oğlu şəhid olub. Torpaqlarının 20 faizi erməni işğalı altında olan qadının üzü gülməz. Dünyanın 35-dən çox ölkəsində nümayiş olunan “Binbir gece” serialı sayəsində yaşanan Qarabağ faciəsinin daha da işıqlandırılmasında əməyi olan hər kəsə - başda “TMC” şirkəti olmaqla, bütün yaradıcı heyətə, ssenarist Yıldız Tunca, rejissor Kudret Sabanciya bir daha təşəkkür edirəm”.