Xəbərlər

Gün.Az APA-ya istinadən xəbər verir ki, notaya Rusiya xarici işlər nazirinin müavini Qriqori Karasinin Polşa XİN başçısının ünvanına səsləndirdiyi tənqidi fikirlər səbəb olub.

Polşa XİN sözçüsü Marçin Voyçexovski bildirib ki, etiraz notası Rusiyanın Polşadakı səfirliyinin müvəqqəti işlər vəkili Yuri Pilipsona təqdim olunub.

Qeyd edək ki, Polşa xarici işlər naziri Qjeqoj Sxetına Osvensimdəki əsir düşərgəsinin ukraynalılar tərəfindən azad olunduğunu deyib, habelə 9 may Qələbə gününün Moskvada deyil, Avropa dövlətlərinin paytaxtlarında qeyd edilməsi təklifi ilə çıxış edib.

Bu isə Rusiyanın etirazına səbəb olub. Q. Karasin polşalı naziri ölkəsinin siyasi mədəniyyətinə rəzalət gətirməkdə günahlandırıb.