Xəbərlər

 “Vatan” qəzetinə istinadən xəbər verir ki, ABŞ-ın şimal-şərq ştatlarında gözlənilən qar fırtınası 6 100 təyyarə reysinin təxirə salınmasına səbəb olub.

 

Başda Massaçusets, Nyu-York və Konnektikut ştatları olmaqla, həmin ərazilərdə proqnozlaşdırılan fırtına zamanı düşəcək qarın hündürlüyünün 1 metr olacağı açıqlanıb.

 

Bundan başqa, axşam saatlarından etibarən qar fırtınasının güclənməsi üzündən avtomobil yollarının da istifadəyə yararsız olacağı haqda əhaliyə xəbərdarlıq edilib. Eyni zamanda, elektrik enerjisinin verilişində də problemlərin yaranacağı bildirilib.

 

Nyu-York ştatının qubernatoru Endryu Kuomo da şəhərdə əsas avtomobil yollarının bağlanacağını bəyan edib.