Xəbərlər

Ağdam təmsilçisi bugün Bolqarıstan təmsilçisi "Levski" ilə qarşılaşacaq. Saat 19:30-da start götürəcək qarşılaşma "İC Santai" hotelinə məxsus futbol meydançasında baş tutacaq.

Həmin oyuna Youtube kanalından canlı baxmaq mümkün olacaq.

Qeyd edək ki, "Qarabağ" bundan öncə iki yoхlama oyununu keçirib. Klub ilk oyunda Xorvatiya klubu ilə qarşılaşıb. "Qarabağ" - "RNK Split" matçı xorvatların 3:1 hesablı qələbəsi ilə yekunlaşıb. "Qarabağ"ın yeganə qoluna Namiq Ələsgərov imza atıb.

Digər yoxlama oyununda isə Ağdamlılar İsveçrə təmsilçisi "Surix" ilə qarşılaşıb. Bu oyunda Qurban Qurbanovun komandası heç-heçə edib. Hərəyə 1 dəfə fərqlənən tərəflər meydandan 1:1 hesablı bərabərliklə ayrılıb.