Xəbərlər

 “Barselona” klubunun “Real Sosyedad”a 0:1 hesablı məğlubiyyətindən sonra Messi ilə baş məşqçi Luis Enrike arasında qalmaqal yaranıb.

Baş məşqçinin futbolçu seçimini tənqid edən Messi ilə Luis Enrike arasında qalmaqal sonradan böyüyüb.

“NTV Spor”un məlumatına görə, bazar ertəsi günü məşqə gəlməyən Messiyə gün ərzində zəng etmək mümkün olmayıb. Buna görə, baş məşqçi futbolçunu cəzalandırıb. Ancaq araya girən Xavi, İnyesta və Busqets Messiyə cəza verilməsinin gərginliyi daha da artıracağını deyərək Luis Enrikini fikrindən daşındıra biliblər.

Amma bundan xəbər tutan Messi klub rəhbərliyinin qarşısında şərt qoyub – “Ya mən, ya Luis Enrike”.

İddialara görə, rəhbərlik Messinin tərəfini tutub və ona məşqçinin komandadan qovulacağı ilə bağlı söz verib. Yaxın günlərdə Luis Enrikenin Messiyə görə, klubdan biabırçılıqla uzaqlaşdırılacağı gözlənilir