Xəbərlər

TRT-nin Bakı Təmsilçiliyindən Gün.Az-a verilən məlumata görə, Türkiyə - Azərbaycan Media əməkdaşlıq Proqramı (TAMEP) çərçivəsində reallaşacaq  görüşlərin  Bakıda media idarəçiləri, akademiya, araşdırma və qurumlarında keçirilməsi nəzərdə tutulur.

 

Şenol Göka Beynəlxalq Mətbuat  Mərkəzində  təşkil ediləcək “Media qanunu, etika və hədəflər’’ mövzulu  toplantıda iştirak edəcək.

 

TRT Baş direktorunun Azərbaycan Prezident Administrasiyası İctimai Siyasi Əlaqələr Şöbəsinin  Müdiri, Professor Əli Həsənovla görüşü də planlaşdırılır.

 

Ş. Göka səfər  çərçivəsində  AZTV, İTV və özəl Televiziya müdirləri ilə yanaşı, Azərbaycan Mətbuat Şurasının sədri ilə bir sıra görüşlər keçirəcək.

 

TRT Bakı təmsilçisi Yıldıray Arslanın verdiyi məlumata əsasən, ziyarət  çərçivəsində iki ölkə  kütləvi informasiya vasitələri arasında əməkdaşlıq və bu iş birliyinin genişləndirilməsi mövzuları müzakirə olunacaq.

 

Səfər dekabrın 11-də başlayacaq və 13-də başa çatacaq.