Xəbərlər

Shafaqna”ya istinadən xəbər verir ki, İngiltərədə aşağı yaş qrupları üzrə keçirilən matçda qorxunc hadisə baş verib.

County Durham şəhərində U-12 komandalarının matçında oyuna daxil olmaq üçün meydanın kənarında hazırlaşan 11 yaşlı futbolçu başından güllə ilə vurulub.

Tüfənglə vurulan uşaq ilk öncə nə baş verdiyini başa düşməyib. O daşla vurulduğunu zənn edib.

Lakin, ətrafdakıların müdaxiləsi ilə qanlar içində qalan uşaq dərhal xəstəxanaya çatdırılıb. Həkimlərin uğurlu əməliyyatı ilə uşağın başındakı güllə çıxarılıb. Məlumata görə, hazırda uşağın vəziyyəti normaldır.

Həkimlər deyib ki, güllə biraz daha aşağı dəysəydi uşaq kor ola bilərdi.

Hadisə ilə bağlı araşdırma aparan polis 14 yaşlı 3 uşağı saxlayıb. Hazırda istintaq davam edir.