Xəbərlər

Ölkə ərazisində hava şəraitinin kəskin dəyişməsi nəticəsində dünən əksər rayonlara, o cümlədən paytaxt Bakıya güclü yağış yağıb.

Bir sıra rayonlara isə qar qonaq gəlib. Gecədən başlayaraq aramsız yağan qar Tovuz, Qazax, Daşkəsən, Quba, Qusar, Xızı, Şamaxı, İsmayıllı, Lerik və digər rayonları ağappaq mənzərəyə bürüyüb.

Şimal bölgəsində ən çox qar Xınalıq istiqamətində qeydə alınıb.  Burda qar örtüyünün qalınlığı 40-45 santimetrdir. Altıağac, Nohurdüzü, Qırızda qarın qalınlığı 20-28, Qusar rayonunun Yasab, Kuzun, Qubanın Rustovda kəndlərində 10-19 sm təşkil edir. Şamaxıya yağan qarın hündürlüyü 5 santimetrdir.

Sinoptiklər hələ noyabrın 5-ə qədər ölkə ərazisində qeyri-sabit, yağmurlu hava şəraitinin üstünlük təşkil edəcəyini bildirirlər.

Gün.Az bölgələrdən bir sıra qar mənzərələrinin fotolarını təqdim edir.

Fotolar Facebook sosial şəbəkəsindən götürülüb.