Xəbərlər

İmkanlı oğlan və qızlar bir-birlərinə nişan üzüyü əvəzinə telefon verməyə maraq göstərirlər.

Nişanlılar arasında üzük hədiyyə etmək populyarlığına görə ikinci yerdə durur. Çünki mobil telefonlar cütlüyün maliyyə imkanlarını daha aydın şəkildə ifadə edir. 

Statistikaya görə, Şimali Koreya əhalisinin yalnız 12 nəfərdən birində mobil telefon apparatı var. Ərdə olmayan qızlarda çox nadir hallarda mobil telefona rast gəlmək olar. Yəni, küçədə əlində telefonla gəzən qızı kənardakılar ya nişanlı, ya da ərli kimi qəbul edirlər.

Şimali Koreyada mobil telefonların (yerli istehsal olan “Orascom” markası) qiyməti 200-300 dollar arasında dəyişir. “Arirang Touch Phone” (yerli istehsal) smartfonlarını isə 400 dollara əldə etmək olar. 

World Factbook-un məlumatına görə, 2013-cü ildə Şimali Koreyada orta aylıq əmək haqqı 39 dollar təşkil edib.