Xəbərlər

Bunu Azərbaycan Prezidentiİlham Əliyev Bakıda keçirilən Gənclər siyasəti üzrə Qlobal Forumda çıxış edərkən deyib.

Dövlət başçısı qeyd edib ki, Azərbaycan öz prioritetlərini dəqiq təyin edib.

“Azərbaycanın böyük potensialı var. Bu potensial Azərbaycanın gəncliyidir. İnanıram, Azərbaycan gəncliyinin iştirakı ilə ölkənin qarşısında duran bütün vəzifələr yerinə yetiriləcək”.

İlham Əliyev vurğulayıb ki, neft, qaz, digər təbii resurslar deyil, məhz təhsil, texnologiya və sairə bəşəriyyətin inkişafının əsasıdır.

Azərbaycan gəncliyi barədə danışan dövlət başçısı, digər sahələrlə yanaşı, idmanda da böyük uğurların əldə edilməsini qeyd edib. Prezident London Olimpiadasında Azərbaycanın komanda hesabı ilə 30-cu olduğunu bildirərək, bu yarışlarda müstəqillik dövündə ən çox medal qazanıldığını vurğulayıb.

İlham Əliyev xatırladıb ki, ölkəmiz idmançılarımızın müxtəlif yarışlarda iştirakı ilə kifayətlənmir və Azərbaycanda da bir sıra mühüm beynəlxalq turnirlər keçirilir və keçiriləcək. Bunların sırasında dövlət başçısı 2015-ci il Avropa Oyunlarının, 2016-cı il Şahmat Olimpiadasının, 2017-ci il İslam ölkələri olimpiadasının Azərbaycanda keçiriləcəyini xatırladıb.