Xəbərlər

AFSW Azərbaycanın ABŞ-dakı səfirliyinin və ABŞ diplomatlarını, onların ailə üzvlərini bir araya gətirən qurumdur.

Dövlət Departamentinin yüksək səviyyəli tədbirlərin keçirildiyi Din Açeson Auditoriyasında baş tutan mərasimdə Dövlət Departamentinin nümayəndələri, ABŞ-da akkreditə olmuş səfirlər və digər diplomatlar,  AAFSW təşkilatının, Amerika ictimaiyyətinin, habelə ABŞ-dakı Azərbaycan diasporunun çoxsaylı üzvləri iştirak ediblər.

Tədbiri giriş sözü ilə açan AAFSW təşkilatının prezidenti Patrisia Linderman və təşkilatın proqram rəhbəri Şeyla Svitzer Dövlət Departamentində “Azərbaycan mədəniyyəti günü”nün keçirilməsinin zəngin Azərbaycan mədəniyyətinin ABŞ-da təbliği baxımından əhəmiyyətini vurğulayıb və belə tədbirlərin iki ölkə xalqlarını bir-birinə daha da yaxınlaşdırdığını qeyd ediblər.

Daha sonra çıxış edən səfir Elin Süleymanov Azərbaycan mədəniyyətinin xarakterik xüsusiyyətləri barədə iştirakçılara məlumat verib. O, Azərbaycan mədəniyyətinin müxtəlif qollarının inkişaf tendensiyasından ətraflı bəhs edərək, ümumiyyətlə, Azərbaycan mədəniyyətinin müxtəlif mədəni irsləri özündə əks etdirdiyini vurğulayıb. Eyni zamanda, səfir Heydər Əliyev Fondunun və Fondun prezidenti, Azərbaycanın birinci xanımı Mehriban Əliyevanın dünyada Azərbaycan mədəniyyətinin, o cümlədən ecazkar muğam musiqisinin tanınmasındakı müstəsna xidmətləri olduğunu qeyd edib.

Rəsmi çıxışlardan sonra tədbir Azərbaycan mədəniyyətinə aid elementlərin əyani olaraq nümayişi ilə davam edib. Belə ki, azərbaycanlı caz ustası, dahi bəstəkar Qara Qarayevin nəvəsi Zülfüqar Bağırovun və ABŞ-ın məşhur pianoçularından olan Hərri Apelmanın səsləndirdiyi Azərbaycan caz nümunələri, eyni zamanda, ABŞ-da təhsil alan azərbaycanlı tələbə Şahin Ələkbərovun pianoda müşayiəti ilə ABŞ-da yaşayan gənc soydaşımız Nurlan Qasımovun oxuduğu “Ala gözlüm”, “Bu gün ayın üçüdür” kimi Azərbaycan xalq mahnıları iştirakçıları heyran edib. Əlavə olaraq, tədbirdə ifa olunan “Naz eləmə” və “Turacı” rəqsləri izləyicilər tərəfindən böyük maraqla qarşılanıb.

Eyni zamanda, tədbir iştirakçıları üçün verilən ziyafətdə Azərbaycan milli mətbəxinin nümunələri təqdim olunub.