Xəbərlər

Məktəb şagirdlərini gələn ilin yayında keçiriləcək İlk Avropa Oyunları haqqında məlumatlandırmaq və maarifləndirmək məqsədilə “Bakı 2015 Avropa Oyunları” bu gün Azərbaycan məktəbləri arasında “Avropa Oyunları Hər Kəs Üçün” adlı ümumrespublika turlarına başlayır.

Bir neçə nəfərdən ibarət komanda 8 ay ərzində ölkənin 57 rayonuna səfər edərək bir sıra təqdimatlar, mühazirələr və idman nümayişləri keçirəcəklər.

“Bakı 2015” komandası, 500-dən çox məktəbə səfər edərək 14-17 yaş arası ölkə gəncləri arasında Azərbaycanda indiyədək keçiriləcək ən böyük idman yarışları barəsində ətraflı məlumatlandırma işi aparmaqla onları yarışlara həvəsləndirməyi planlaşdırır.