Xəbərlər

Dövlət Statistika Komitəsinə istinadən verdiyi xəbərə görə, bu da ötən ilin eyni dövrü ilə müqayisədə 14,5 faiz artım deməkdir.

Bildirək ki, bu müddətdə gümüş hasilatı isə əksinə 59,1 faiz azalaraq 217,2 kq olub.

Qeyd edək ki, hazırda Azərbaycanda qızıl və gümüş 1997-ci il avqust ayının 21-də imzalanmış “Production Sharing Agreement” (“Hasilatın Pay Bölgüsü Sazişi”) müqaviləsi çərçivəsində “Gədəbəy” və “Qoşa” yatağından hasil olunur. Müqavilə 6 yatağın – Naxçıvanda 1, Gədəbəydə 2, hazırda erməni işğalı altında olan Kəlbəcər və Zəngilanda 3 yatağın işlənməsini nəzərdə tutur.

Müqavilədə Azərbaycanın payı 51%, Böyük Britaniyanın “Anglo Asian Mining PLC” şirkətinin payı 49% təşkil edir.

“Gədəbəy” yatağından ilk qızıl hasilatına 2009-cu ildə, gümüş hasilatına 2010-cu ildə başlanıb. Müqaviləyə görə, bu 6 yataqdan 400 ton qızıl, 2,5 min ton gümüş və 1,5 min ton mis hasilatı planlaşdırılır.

Bildirək ki, 2013-cü ildə ölkədə qızıl hasilatı 1 619,2 kq təşkil edib.