Xəbərlər

İsveçrədəki səfirliyindən verilən məlumata görə, Bern şəhərində açılan sərgi Azərbaycanın müstəqillik gününə həsr olunub.

16 rəssamın 76 əsərinin nümayiş etdirildiyi sərginin açılışında Berndə akkreditasiya olunmuş diplomatik korpusların, İsveçrənin federativ və yerli hakimiyyət qurumlarının, elmi, siyasi, ictimai və işgüzar dairələrinin nümayəndələri, eləcə də bu ölkədə yaşayan azərbaycanlılar iştirak ediblər.

Azərbaycanın İsveçrədəki səfiri Əkrəm Zeynallı sərginin açılışında ölkələr və xalqlar arasında əlaqələrin inkişafında belə tədbirlərin böyük əhəmiyyət kəsb etdiyini vurğulayıb. Səfir Azərbaycanın müstəqilliyini bərpa etdikdən sonra dövlətin, xüsusilə, birinci xanım Mehriban Əliyevanın rəhbərliyi ilə Heydər Əliyev Fondunun Azərbaycan mədəniyyətinin təbliğində müstəsna rol oynadığını bildirib.

Qeyd edək ki, buna kimi ölkəmizin gənc rəssamlarının sərgiləri Sofiya, Brüssel, Vyana, Paris, Roma, London, Milan və Budapeşt şəhərlərində təşkil olunub və hazırkı sərgi sayca onuncudur.