Xəbərlər

Xorvatiya ilə oyunda avtoqola imza atan millimizin kapitanı Rəşad Sadiqov bu biabırçılığa görə futbol ictimaiyyətindən üzr istəyib.

Milli komanda Xorvatiya səfərindən başı aşağı, boynu bükük döndü. Təsadüfi deyil ki, yığma üzvləri sürətlə bizdən aralanmağa çalışırdı. Elə qapısında 6 qol görən Kamran Ağayevin deməyə söz tapmadı.

Buna baxmayaraq batan gəmini axırıncı tərk edən kapitan danışmağa özündə cəsarət tapdı.

“Xorvatiya oyununa görə bütün Azərbaycan xalqından, futbol ictimaiyyətindən üzr istəyirəm, İmkan olsaydı Bakıya gəlməzdim. İşimiz budur məcburuq, qayıdıb gələk, işimizə davam edək” – deyə milli komandanın kapitanı Rəşad Sadıqov qeyd edib.

Xatırladaq ki, oktyabrın 13-də səfərdə Xorvatiya yığmasına qarşı oynayan Azərbaycan millisi 0:6 hesabı ilə məğlub olub.

Milli komanda Avro 2016-nin seçmə mərhələsi çərçivəsində növbəti oyununu noyabrda doğma divarlar arasında Norveçə qarşı keçirəcək.