Xəbərlər

Oktyabrın 2-dən 5-dək Vyanada "Viennafair" Avropa müasir incəsənət yarmarkası çərçivəsində "Generation Baku: New Art from Azerbaijan" tədbiri keçiriləcək.

ERtv buro247.az-a istinadən xəbər verir ki, tədbirə YARAT-ın sərgilər və daimi kolleksiyalar üzrə kurator direktoru Suad Qarayeva rəhbərlik edir.

Çıxış edənlər - rəssam Orxan Hüseynov, YARAT-ın təsisçisi və direktoru Aida Mahmudova, COSMOSCOW incəsənət yarmarkasının direktoru Sandra Nedvetskaya və müstəqil kurator Sara Razadır.

Vyana söhbətləri müasir incəsənət peşəkarlarına incəsənətdə müxtəlif fərdlər, təşkilatlar və tədbirlər arasında qarşılıqlı əlaqə barədə danışmaq üçün imkan yaradacaq. "İncəsənət biennalelərindən ziyarətçilər nə öyrənə bilərlər?" və "Müasir incəsənətdə etiraz mədəniyyəti" - bu, ediləcək söhbətlərin bəzi mövzularıdır. Yerli incəsənət cəmiyyətlərinin təmsilçiləri öz ölklərinin müxtəlif perspektivləri və müasir günə olan hədəfləri barədə dəqiq hesablamaları bölüşəcəklər.

Qeyd edək ki, Viennafair The New Contemporary - 2005-ci ildən Vyana keçirilən Avropa müasir incəsənət yarmarkasıdır. Yarmarka Mərkəzi və Şərqi Avropanın gənc rəssamları, heykəltəraşları, fotoqraf və operatorlarının yaradıcılığına həsr olunub.