Xəbərlər

Penitensiar xidmətin istehsalat sexində yanğın olub.

ERtv Penitensiar xidmətin ictimaiyyətlə əlaqələr şöbəsinə istinadən xəbər verir ki, hadisə dünən saat 22:10 radələrində Penitensiar xidmətin Əhmədli qəsəbəsində yerləşən 7 saylı cəzaçəkmə müəssisəsindəki istehsalat sexində baş verib.

Hadisə yerinə Fövqəladə Hallar Nazirliyinin yanğınsöndürənləri cəlb edilib. Penitensiar xidmətin şəxsi heyətinə həyacan verilərək hazırlıq vəziyyətinə gətirilib.

Yanğın saat 23:15 radələrində söndürülüb. Hadisə vaxtı xəsarət alan olmayıb.

Fakt üzrə Penitensiar xidmət tərəfindən xidməti araşdırma, Fövqəladə Hallar Nazirliyi tərəfindən isə təhqiqat aparılır.