Xəbərlər

Bakıda sərnişin avtobusu yük maşını ilə toqquşub.

Bakı şəhər Təcili və Təxirəsalınmaz Tibbi Yardım Stansiyasından ERtv-yə verilən məlumata görə, Bakı dairəvi yolunda sərnişin avtobusu ilə yük maşının toqquşması nəticəsində 5 nəfər xəsarət alıb.

Stansiyadan bildirilib ki, xəsarət alanlardan 4 nəfər qadın, 1-i isə kişidir. Yaralılardan 2 nəfər Respublika xəstəxanasına, 3 nəfər isə Kliniki Tibbi Mərkəzə yerləşdirilib.

Hazırda yaralıların vəziyyəti orta-ağırdır.

12.26

ERtv xəbər verir ki, bu barədə APA-ya hadisə şahidləri məlumat verib.

Məlumata görə, Bakı dairəvi yolunda “DAEWOO” markalı sərnişin avtobusu ilə “Ford” markalı yük avtomobili toqquşub.

Qəza nəticəsində xeyli sayda yaralı olduğu bildirilib.