Xəbərlər

V “Türkvision” mahnı festivalı keçiriləcək.

ERtv xəbər verir ki, Türkiyənin Dənizli şəhərində keçiriləcək Beynəlxalq Türk dili Sözlü Musiqi Festivalında 22 ölkə iştirak edəcək.

Türk dünyasından gələn 22 ölkənin məşhur sənətçiləri, öz ölkələrində tanınan mahnılarını bu dəfə Türk dilində səsləndirəcəklər. Dənizli Böyükşəhər Bələdiyyəsi, Dənizli Valiliyi və TRT-nin birgə təşkil etdiyi festival, 10, 11 və 12 sentyabr tarixində şəhər konsertlərilə başlayır.

Festivalın Gala gecəsi isə 13 sentyabrda TRT Müzik kanalında canlı yayımlanacaq. 10 Sentyabrda isə TRT Müzik kanalında efirə gedən "Egeden Ezgiler" proqramı Dənizli Delikliçınar Meydanından canlı yayım həyata keçirəcək. Sentyabrın 11-də Açıq hava Teatrında çıxış edəcək 11 ölkə sənətçisini İzmir və Ankara Radiosu sənətçilərindən Əli Çakar və Zeynəb Cihan da müşayət edəcək.

Burada qonaq ölkələr öz dillərində mahnılar ifa edəcəklər. 12 sentyabır tarixində İncilipınar Meydanından keçiriləcək konsertdə isə İzmir və Ankara Radiosu sənətçilərindən Makbule Kaya və Şehmus Esenkuş iştirakçılarla eyni səhnəni paylaşacaq. Eyni zamanda proqramlarda TRT xalq rəqsləri qrupu və Dənizli xalq rəqsləri qrupu da iştirak edəcək. 13 sentyabır tarixində isə 22 ölkə sənətçisi Pamukkale Antik Teatrinda Türk dilində mahnılar ifa edəcəklər. Gecənin finalında isə Rafet El Roman və Ezo canlı performansla izləyənlərə xoş anlar bəxş edəcək. Gala gecəsi TRT Musiqi kanalında canlı olaraq yayınlanacaq.