Xəbərlər

ARDNŞ bu ilin avqust ayında Supsa limanından 242 min 76 tonn xam neft ixrac edib.

ERtv-nin şirkətə istinadən verdiyi xəbərə görə, ümumilikdə yanvar-avqust ayları ərzində isə ixrac həcmi 2 milyon 29 min 456 ton, təşkil edib.

ARDNŞ tərəfindən ixrac olunmuş xam neftin göstəriciləri həm Azərbaycan dövlətinə, həm də ARDNŞ-ə məxsus xam neft həcmlərini əks etdirir.

Qeyd edək ki, ARDNŞ-nin Marketinq və İqtisadi Əməliyyatlar İdarəsi 2013-cü ilin avqust ayında Supsa limanından 315 min 388 ton, ümumilikdə yanvar-avqust ayları ərzində 1 milyon 837 min 758 ton, xam neft ixrac edib.

Xam neft Supsa limanına Bakı-Supsa kəməri adlandırılan Qərb İxrac Boru Kəməri vasitəsilə nəql olunur.

Bu boru kəməri ilə Xəzərin Azərbaycan sektorundakı “Azəri-Çıraq-Günəşli” yataqlarından çıxarılan neftin bir hissəsi dünya bazarına daşınır.

Qərb İxrac Boru Kəməri 1999-cu il aprelin 17-də istifadəyə verilib.

Boru kəmərinin illik ötürücülük qabiliyyəti 7 milyon tondur.