Xəbərlər

ARDNŞ-nin Marketinq və İqtisadi Əməliyyatlar İdarəsi bu ilin avqust ayında 19 min 933 ton təyyarə yanacağı ixrac edib.

ERtv-nin şirkətə istinadən verdiyi xəbərə görə, ümumilikdə, yanvar-avqust ayları ərzində isə ixrac həcmi 119 min 715 ton təşkil edib.

2014-cü ilin avqust ayında dünya bazarında etilləşdirilmiş benzinin qiyməti (1 ton üçün) - 938,29 dollar, təyyarə yanacağının - 926,29 dollar, dizel yanacağının - 863,44 dollar, 1% kükürdlü mazutun qiyməti 573,96 dollar olub.

Qeyd edək ki, ARDNŞ-nin Marketinq və İqtisadi Əməliyyatlar İdarəsi 2013-cü ilin avqust ayında 3 min 692 ton təyyarə yanacağı ixrac edib.

Ümumilikdə, 2013-cü ilin yanvar-avqust ayları ərzində 91 min 130 ton təyyarə yanacağı ixrac edilib.